ਪੰਚਾਇਤੀ ਚੋਣਾਂ 2024 ਸਬੰਧੀ ਤਾਇਨਾਤ ਕੀਤੇ ਬਲਾਕ ਮਹਿਲ ਕਲਾਂ ਦੇ ਚੋਣ ਅਮਲੇ ਦੀ ਦੂਜੀ ਰਿਹਰਸਲ ਗੁਰੂ ਗੋਬਿੰਦ ਸਿੰਘ ਕਾਲਜ ਸੰਘੇੜਾ ਵਿਖੇ ਕਰਵਾਈ ਗਈ।

  ਇਸ ਮੌਕੇ ਚੋਣ ਅਬਜ਼ਰਵਰ ਮੈਡਮ ਅਮਨਦੀਪ ਕੌਰ, ਆਈ ਏ ਐਸ ਨੇ ਚੋਣ ਅਮਲੇ ਨੂੰ ਸੰਬੋਧਨ ਕੀਤਾ। ਇਸ ਚੋਣ ਰਿਹਰਸਲ ਦੌਰਾਨ ਮਾਸਟਰ ਟ੍ਰੇਨਰ ਬਬਲਜੀਤ ਸਿੰਘ ਅਤੇ ਗੁਰਪ੍ਰੀਤ ਸਿੰਘ ਨੇ ਚੋਣ ਅਮਲੇ ਨੂੰ ਪੰਚਾਇਤੀ ਚੋਣਾਂ ਦੀ ਵੋਟਿੰਗ ਸਬੰਧੀ ਟ੍ਰੇਨਿੰਗ ਦਿੱਤੀ। ਸ਼੍ਰੀ ਹਰਕੰਵਲਜੀਤ ਸਿੰਘ, ਪੀ ਸੀ ਐਸ, ਕੰਟਰੋਲਿੰਗ ਅਫਸਰ ਪੰਚਾਇਤੀ ਚੋਣਾਂ 2024 ਕਮ ਉਪ ਮੰਡਲ ਮੈਜਿਸਟੇਟ ਮਹਿਲ ਕਲਾਂ ਵਲੋਂ ਚੋਣ ਅਮਲੇ ਨੂੰ ਵੋਟਿੰਗ ਅਤੇ ਗਿਣਤੀ ਦੌਰਾਨ ਆਉਣ ਵਾਲੀਆਂ ਸਮੱਸਿਆਵਾਂ ਤੇ ਉਨਾ ਨਾਲ ਨਜਿੱਠਣ ਦੇ ਤਰੀਕਿਆਂ ਤੇ ਬਰੀਕੀ ਨਾਲ ਚਾਨਣਾ ਪਾਇਆ। ਉਨ੍ਹਾਂ ਦੱਸਿਆ ਕਿ ਚੋਣ ਅਮਲਾ ਸਿੱਖਿਆ ਮਹਿਕਮੇ ਤੋਂ ਵੀ ਹੋਣ ਕਰਕੇ ਬੱਚਿਆਂ ਦੀ ਪੜਾਈ ਨੂੰ ਮੁੱਖ ਰੱਖਦਿਆਂ ਇਹ ਰਿਹਰਸਲ ਦੁਪਹਿਰ ਨੂੰ ਰੱਖੀ ਗਈ ਸੀ।

  ਇਸ ਮੌਕੇ ਡੀ ਡੀ ਪੀ ਓ ਬਰਨਾਲਾ ਸ਼੍ਰੀ ਅਮਰਿੰਦਰਪਾਲ ਸਿੰਘ ਚੌਹਾਨ, ਸ਼੍ਰੀ ਸ਼ਬੇਗ ਸਿੰਘ ਪੀ ਪੀ ਐਸ, ਡੀ ਐਸ ਪੀ ਮਹਿਲ ਕਲਾਂ, ਸਰਵੇਸ਼ ਰਾਜਨ ਤਹਿਸੀਲਦਾਰ ਮਹਿਲ ਕਲਾਂ, ਬਲਵਿੰਦਰ ਸਿੰਘ ਨਾਇਬ ਤਹਿਸੀਲਦਾਰ ਮਹਿਲ ਕਲਾਂ ਮੌਕੇ 'ਤੇ ਹਾਜ਼ਰ ਰਹੇ।   ਇਸ ਰਿਹਰਸਲ ਵਿੱਚ 500 ਦੇ ਲਗਭਗ ਪੋਲਿੰਗ ਅਮਲਾ ਹਾਜ਼ਰ ਸੀ।